هلا بيكم هلا وبجيتكم هلا
شلونكم شخباركم شعلومكم شسوالفكم
بارحه اني وصديقي شوقي رحنه الدوله قطر الشقيقه
اني انسان عراقي وشوقي انسان مصري
شوقي كَلي طب مامون احنه دلؤتي حنروح فين انت تندل الدوحه كويس
كَتله شوئي اني الخليج كله اندله وهسه اتشوف
شوقي كَال كده طيب يلا بينا
رحنه اني ركبت الطياره وشوقي هم وياي طبعا عل سريع حصلنه مكان كَعدنه اول كرسي وره السايق
شوقي كَلي بص بص المضيفه دي كَميله اوي انا مشفتش مضيفه بالحلاوه دي
اني هم كَتله شوقي حننعلس لان يمكن الطيار اخوهه ف ليش متخرس
المهم طارت الطياره وربطنه الاحزمه اني مربطت حزامي لان اني لابس حزام من البيت فليش اربط واحد ثاني
اجت المضيفه كالت شتاكلون شتشربون
اني كتلهه اريد بيض وطماطه وجاي الوزه
شوقي كَال عاوز ائهوه ساده وطبق ملخيه وثنين كَمبري
همزين جان عدهم طلباتنه
اني اكلت وشبعت وشوقي هم اكل وشبع
بعدين بالطياره فتحونه تلفزيون وتعاركنه اني وشوقي
شوقي يريد يشوف فلم حسين فهمي واثار الحكيم اميرة حبي انا من فاروق
الفيشاوي يسوي نفسه عميل بالموساد بعدين يطلع الولد يشتغل بفرن حجري ومن
اثار الحكيم على اساس تحب حسين فهمي بعدين يكتشف انو هي تخونه ويه فاروق
الفيشاوي ابو الفرن وبالاخير من يتعاركون وماعرف شيصير بعدين
هو بس بالاخير يطلع فاروق الفيشاوي عنده جمبر جكَاير بطنطا وهذا الفرن مأجره
وتتزوج اثار الحكيم نور الشريف ابن عمهه لان حسين فهمي ياخذو للجيش
واني اريد اشوف مسلسل عالم ست وهيبه شبيكم هذا مال مهدي والرجال ال يلحكَ بته اميره وتضربه السياره
وسامي قفطان زوجهه بعدين من تموت اميره يريد يزوج اختهه الصغيره ماعرف اسمه بس الاعرفه حاته صاكه
وحتى جانت اتكِشر بصل وتثرم باكَه كرفس ولابسه فستان بنفسجي بي صخله حمره عدهه سكسوكه تباوع على الباكَه وتصيح من الجوع
المهم صوت العركه وصل للطيار الطيار كلش ضاج الطيار اسمه كابتن نوري
فكابتن نوري طبك الطياره على صفحه اجه كابتن نوري علينه وكَال لاانت تشوف
المسلسل ولاهو يشوف الفلم وخلاهه على قناة راديو اف ام باب الشرجي وجان
طالع تقرير عن شلون هتلر جان ياكل سمج مسكوف بأبو نؤواس
المهم وصلنه للدوحه شوقي يريد ينزل الجنطه مالته ميكدر لان كصير
فكالي مامون بله زحمه عاوزك تنزلي الجنطه من فوء عشان انا مانوش
نزلت الجنطه ونزلنه بالمطار راسن اول مطلعنه من المطار اخذنه تكسي للفندق
طبينه للفندق حجزنه غرفه
وسبحان الله اول ما فتحنه باب المصعد لكَينه بالمصعد صديقنه نايف ال ممرود
وجان طالع كلش فيكه لابس دشداشه بيضه خاكيه ام السحاب
كتله هلو ابو النوف وسلمت عليه وتباوسنه وكلي وين هسه انت كتله والله اني بالمصعد وياك
كتله انت وين كلي اني هسه هم وياك بالمصعد ..خرب يومه شكد شقي من يوم العرفته ونايف هيج شقي ممتغيره طباعه
اجه شوقي سلم عليه ازيك ينايف عامل ايه يواد بالقران واحشني كتير الاولاد ازيهم بعدهم نغوله مثل ابوهم لو دلؤتي صارو كويسين
المهم ضلوا واحد يجذب على الثاني
فصعدنه للغرفه اول مفتحت باب الغرفه جان الكي فراش واثاث وتلفزيون بصراحه اني متفاجأت لان متوقع اشوف هل اشياء
وحتى نايف وشوقي منصدموا كعدنه بالغرفه وسوالف كضيناهه
مناك واحنه دنسولف جان يدك على نايف عبد الخالق مسعود بيت العود والعنبر اصلَ لهو جذور
فماعرف اظاهر رايده بشغله
وره شويه ام مرسي مرته الابو مرسي (شوقي) دكت عليه طلبت منه يجيب اله من الخليج حنة ام صلاله
وهمه مشغولين بالتلفون اني هم رحت فتحت التلفزيون طلعت اللاب توب واجيت كتبت الكم هاي الفاجعه
تحياتي تزفكم بالسلام